Қазіргі таңда кез-келген тұрғынның бар ойы мен ісі 42 500-бен тікелей байланысты болып отыр. Шымкент қаласы әкімдігінің мәліметі бойынша ТЖ режимiне байланысты, 125 588 қала тұрғынына 42 500 теңге көлемінде әлеуметтік жәрдемақы электрондық өтініштер (электрондық үкімет пен Еңбек және халықты қорғау министрлігінің сайттары, сондай-ақ Telegram арқылы рәсімдеу), ал 10 185 азаматқа белсенді өтініштер (SMS) арқылы тағайындалды.
13 сәуірдегі жағдай бойынша мемлекеттен әлеуметтік жәрдемақы Шымкент қаласының 135 743 тұрғынына төленді.
Әкімдіктiң нақтылағанындай, тағы 6263 өтініш қарастырылуда: КЕАҚ желісі бойынша - 1781, МӘСҚ желісі бойынша - 4482.
Айта кетейік, соңғы үш күн ішінде 42 500 теңгеден төлем алған шымкенттіктердің саны бірден үш еседен артық өсті: 10 сәуірдегі жағдай бойынша мұндай соманы 40 586 азамат алды.
Айта кетейік, еңбек және халықты әлеуметтік қорғау министрлігінің цифрландыру кеңсесі 42 500 теңгені алу құқығыңыз бар-жоғын қалай тексеріп беретін қызметті іске қосты,
Әлеуметтік төлем алу құқығын тексеру үшін:
1. 42500.enbek.kz сілтемесіне өту керек.
2. «Өтінім статусын тексеру» батырмасына басасыз.
3. Онда ЖСН мен жеке куәліктің нөмірін енгізесіз.
4. «Мен робот емеспін» батырмасын басасыз да, «тексеруге» жібересіз.
Сіздің 42 500 теңгені алу құқығыңыз бар-жоғы бірден шығып тұрады. Бір ұялы телефон немесе компьютерден бір сағаттың ішінде тексеру бойынша 3 өтінім жіберіп көруге болады.