Елде жарияланған төтенше жағдай әсіресе тұрғындардың қауіпсіздігі мен денсаулығын сақтау жолында еңбектеніп жүрген мамандарға ауыр соққаны мәлім. Алайда олар өз міндетіне адал. Өз өмірлеріне қауіп төніп тұрса да ел үшін қызмет етіп жүргеннің жанның бірі Шымкент қалалық полиция департаменті патрульдік полиция полкі 8-ротасының аға инспекторы Қазыбек Құттыбаев.
1992 жылы дүниеге келген Қ.Жаңабайұлы 2015 жылдан бастап ішкі істер органдары жүйесінде еңбек етеді. Аға инспектор күнделікті сағат 07.00 мен 17.00 аралығында қаладағы N.Nazarbaev даңғылы мен С.Бәйтереков көшесі қиылысында көлік қозғалысын реттеп, бақылау-тексеру жұмыстарын жүргізеді.
– Мемлекет басшысының Жарлығымен Қазақстан аумағына төтенше жағдай жарияланып, карантин енгізілген тұста осалдық танытқанымыз бізге сын. Біз елге қызмет ету үшін ант қабылдадық. Ал берілген анттың үдесінен шығу баршамызға ортақ міндет, дейді полиция лейтенанты.
Карантин жарияланғалы отбасындағы ұл-қызын сирек көретінін жеткізген аға инспектор:
– Бұл уақытша қиындық. Біз бірлессек, бар қиындықты жеңіп шығамыз. Сондықтан қала тұрғындарынан карантин талаптарын сақтап, үйлерінде отыруын сұраймын, дейді Қазыбек Құттыбаев.
Бүгінде елде Қазыбек секілді қаншама мамандар халыққа қалтықсыз қызмет етіп келеді. Оларды бүгінгі күннің батырлары деп айтсақ артық емес шығар.