Мүгедектердің мәселесі қаралды

Screenshot_9.png

Шымкент қаласында Қазақстан Республикасының Президенті Қасым-Жомарт Тоқаевтың ерекше қажеттілігі бар адамдарға тең мүмкіндіктер жасау туралы тапсырмасының орындалуы бойынша қала әкімі Мұрат Әйтеновтің қатысуымен бейне байланыс арқылы мәжіліс өтті.

Мүмкіндігі шектеулі жандарға қолайлы орта құру мәселесі бойынша атқарылған жұмыстар жайын баяндаған қалалық жұмыспен қамту және әлеуметтік қорғау басқармасының басшысы Қасымбек Сайлауов осы жылы қалада 37 014 мүгедек жан есепте тіркелгенін айтып өтті.

Оның айтуынша, ерекше қажеттілігі бар адамдарға тең мүмкіндіктер жасау мақсатында бүгінгі таңда қала бойынша 931 нысанда олардың жүріп-тұруына бейімделген және есіктердің арақашықтығы мен дәретхананы сәйкестендіру жұмыстары жасалған. Сондай-ақ, бейімдеуге жататын 55 нысанның 23-і бейімдеуден өтсе, қалған нысандардағы бейімдеу жұмыстары жылдың соңына дейін аяқтау жоспарлануда.

«Көліктік инфрақұрылымды дамыту бойыша қала көшелерінде 246 дана – «Зағип жаяу жүрушілер» жол белгілері, бағдаршам нысандарында қосымша 80 дана – дыбыс құралдары орнатылған. Ал қаланың 45 жерінде арнайы тұрақтар ұйымдастырылып, «Мүгедектер» жол белгілері орнатылған және жол таңбалары сызылған»,-деді басқарма басшысы.

Мүмкіндігі шектеулі жандарға кедергісіз орта құру бағытында бірқатар проблемалық мәселелердің бар екенін айтқан мекеме басшысы ғимараттарда мүгедектерге арналған нысандардың стандартқа сай жабдықталмай жатқанын назарға алды.

Баяндамашыны мұқият тыңдаған Мұрат Дүйсенбекұлы мүгедектерге қолайлы жағдай жасай алмасақ, олардың күнделікті өмірінде кездесетін қиындықтардың шешімі табылмайтынын айтты. Олардың қоғамға араласып, қажетті нысандарға емін-еркін кіріп шығуына қолайлы жағдай жасау әрбір мекеме, ұжым басшыларының басты міндеті. Сондықтан қолайлы орта жасау жұмыстарына барша мекемелер жұмыла кірісуі қажет деді,- қала әкімі.

Бұдан бөлек, шаһар басшысы мүгедектерге жасалған қолайлы жағдайдың талапқа сай жүргізілуін бақылау мақсатында аудитпен бірге рейдке шығуды тапсырды. Оның қорытындысы бойынша баяндап, нәтижеге қол жеткізу үшін арнайы жұмыс жоспарын әзірлеуді тапсырды.


Мүмкін сізді қызықтыратын тақырыптар:

  • Залалсыздандыру жұмыстары кестеге сәйкес
  • Санитардық талаптардың сақталуымен бірқатар нысандар ашылды
  • Уважаемые жители города!
  • В Шымкенте в рамках госпрограммы будет реализовано 224 проекта
  • ​В управление инспекции труда и миграции поступило 63 обращения во время ЧС
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер