Миллионды қала Шымкенттің дамуына сіз де өз үлесіңізді қоса аласыз. Республикалық маңызы бар қала ретінде Шымкент қаласының бас жоспары тұжырымдамасын әзірлеу жөніндегі халықаралық конкурсқа қатысуға ниет білдірушілерден өтінім қабылдау басталды
Басты мақсат - Шымкент қаласының бас жоспары тұжырымдамасының қала құрылысы, сәулет шешімдері мен идеяларын қалыптастыру. Үздік деген жобаларды, ұсыныстарды қолдап, шаһардың әсемдігін, қолайлығын брге қалыптастыру. Мамандар халықаралық конкурс қаланың болашағына оң ықпал етіп, дамуына септігін тигізеді дейді.
Конкурсты өткізу мерзімі - 20 мамыр мен 22 шілде аралығы.
Байқауға ұсынылған жобалар көрмесі 29 шілде мен 7 тамыз аралығында Шымкент қаласында өтеді.
Ұйымдастыру бойынша сұрақтарды мына мекен-жайға жіберуге болады: Шымкент қаласы, Пазылбеков көшесі №11, №7 кабинет, тел. +7 (7252) 53-64-95, e-mail: architectura.shymkent@mail.ru
Материалдар мына мекенжай бойынша қабылданады: Шымкент қаласы, Пазылбеков көшесі №11.
Байқау жобаларын қабылдау, техникалық мәселелер бойынша сұрақтарға +7 (7252) 53-64-95 байланыс нөмері арқылы жауап алуға болады.
Егер сіздің Шымқаланы дамыту, көркейтуге арналған жоба-жоспарыңыз немесе идеяңыз болса, ендеше шаһардың гүлденуіне өз қолтаңбаңызды қалдырыңыз.