Шымқалада өндіріс орындарының саны артып келеді. Жақында қалалық әкімдіктің қолдауымен шаһарда жаңа өндіріс орны іске қосылды.
Мармелад шығаратын цех жергілікті кондитерлік фабрика мен қала әкімдігі арасындағы меморондум аясында жұмысын бастап отыр. Жаңа желі сағатына бір тонна өнім шығаруға қауқарлы. Онда 80 жергілікті тұрғын жұмыс істейді. Соңғы кездері тәттісі аз кондитерлік тауарларға сұраныс зор дейді мамандар. Тіпті Шымкенттің тәттісіне шетелдіктер де қызығып отырған көрінеді. Былтыр 20 мың тонна өнім шағарған кәсіпорын 30 түрлі кондитерлік өнім шығарады. Нарықта бірнеше жылдан бері жұмыс істеп келе жатқан компания өнімі Өзбекстан, Қырғызстан, Ресей, Беларусь, Армения, Қытай елдеріне де экспортталады. Компания басшылары өнім ассортиментін арттыруды көздеп отыр.
Тапсырыс мөлшері артып, өндіріс қарқыны ұлғайғанда жұмысшылар екі-үш ауысымда жұмыс істейтін болады дейді қала әкімінің орынбасары.
«Мемлекеттік қолдау ретінде 90 миллион теңгелей көмек көрсетілді. Несиелерді рәсімдеу мәселесі бойынша 80 жұмыс орны ашылып отыр. Бізді қуантып отырғаны осы»,- дейді Шымкент қаласы әкімнің орынбасары Мақсұт Исақов.