Еріктілерге тіл үйретеді

Screenshot_13.jpg

Шымкенттік жастар «Еңбек» нәтижелі жұмыспен қамту және жаппай кәсіпкерлікті дамыту бағдарламасының шарапатын көруде. Жоба аясында бес жүз бес мың теңге грант ұтып, үш айлық курстан өткен Жасмин Ашимова шет ел тілдерін оқытатын арнайы орталық ашты. Бірнеше тілді үйретуге бағытталған орталықта түрлі жеңілдіктер қарастырылған. Мәселен, Еріктілер жылына орай, волонтерларға 30 пайыз , ал тұрмыстық жағдайы төмен отбасы мүшелеріне 50 пайыз жеңілдік беріледі. Ал, мүмкіндігі шектеулі жандар мұнда тегін тіл үйрене алады.

«Биыл еріктілер жылы деп жарияланғаны баршамызға мәлім. Осыған орай елімізде волонтерларға көптеген жеңілдіктер қарастырылып, жағдай жасалуда. Біз де бұл игі істен тыс қалмай тіл үйретуге кірістік. Еріктінің көп тіл білгені аса маңызды. Ол оның қарым-қабілетін, білімін және мүмкіндігін кеңейте түседі. Әсіресе отандық еріктілердің қазақ, орыс, ағылшын тілдерін еркін меңгергені дұрыс. Оның үстіне Қазақстан үштұғырлы тіл саясатын ұстануда»,- дейді Шымкент қаласы Волонтерлар корпусының президенті Жасмин Ашимова. Еріктілер елімізде осындай бағдарламаның барына қуанып, басшыларға өз алғыстарын жеткізуде. 

Айта кетейік, Шымкент қаласы әкімдігінің халықты жұмыспен қамту орталығы «Еңбек» нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған мемлекеттік бағдарламасының бірінші бағыты шеңберінде биыл 2000-нан астам азаматты оқуға жолдауды жоспарлап отыр.



Мүмкін сізді қызықтыратын тақырыптар:

  • Өзбекстанда М.Әуезов атындағы ОҚУ-дің филиалын ашу жайлы кездесу өтті
  • Үміт үзбе
  • «Ақжар» қосалқы станциясы келесі жылы пайдалануға беріледі
  • Қала әкімі «Көмеш бұлақ» базары аумағындағы автотұрақты көшіруді қолдады
  • Қала әкімі Үндістан Республикасының елшісімен кездесті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер