Шымкент қаласындағы Абай ауданының өзінде 13 әлеумет базар бар. Барлығы төтенше жағдайдың алдын алу бағытындағы іс-шараларды тұрақты түрде жүргізіп, санитарлық – дезинфекциялық жұмыстарға баса назар аударуда. Жұмыс кестесі қысқарған сауда-саттық орындарында тауар бағасына да маниторинг жасалып, қалыпты көрсеткішті байқатып отыр. Аудан әкімі Бұқарбай Парманов, жүйелі жұмысына сенім белдіреді. Халықты алаңдамауға шақырады.
«Ел билігі мен денсаулық сақтау министрлігінің тапсырмасына тоқтаған мұндағы кәсіпкерлер қазір 11-де жұмысты бастап, 17:00 де тарқайды. Бұл ең алдымен коронавирус індетінің таралмауына жағдай жасайды – дейді аудан әкімі. Екі жақты түсіністік орнап, ортақ ымыраның барын айтады.
«Самал» базары 5 гектар аумақты алып жатыр. Мұнда 1200 сауда нүктесі жұмыс істеп тұр. Күнделікті несібесін азық-түлік пен киім-кешек сатып тапқан ағайынның жаңа жұмыс кестесіне үйренісіп кеткені байқалады. Бұған дейін ешқандай тәртіп бұзушылық орын алмапты.
Абай ауданы халқы тығыз орналасқан аумақ. Мұнда әлеуметтік нысандар мен 59 тойхана, 249 мейрамхана мен дәмхана бар. Барлығында тәртіпке сәйкес атқарылып отырған тірлік те бар. Соған қарағанда жергілікті билік пен тұрғындар арасындағы байланыста өз деңгейінде жүзеге асып отырғанын байқайсыз.