Елбасының үндеуіне қосылған шымкенттік кәсіпкерлер төтенше жағдай кезінде коронавируспен күресіп, халыққа қолдау білдіруге дайын. Шымқаладағы «Корпарация Ақ Ордасы» тұрғынүй құрылысы саласында жетекші мекеме. Қарамағында 380 қызметкер бар ЖШС аталған қорға екі миллион теңге бөлетінін жеткізді.
«Біздің компаниямыз 2 миллион теңгедей өзіміз қаржылай үлесімізді қосамыз. Ешқандай жұмысшыларды және олардың жалақысын қысқартқан жоқпыз. Бәрі жұмыспен қамтамасыз етілген. Короновирусқа байланысты барлық жағдай жасалған. Мен ойлаймын тура осылай барлығымыз ат салыссақ, Қазақстан бұл қиындықты жеңіп шығады. Біз халықпен біргеміз»,- дейді «Ақ Ордасы Корпарация» ЖШС Бас директоры Садулла Қалыбеков.
Айта кетейік, әлемді жайлаған індетке байланысты мемлекет басшысы Қасым-Жомарт Тоқаевтің жасаған үндеуіне бұл жергілікті кәсіпкерлердің қолдау білдіруі болатын.
Кәсіпкердің қаражаты біріңғай корпоративтік әлеуметтік даму қорына түседі. Бұл қаржы короновирустың алдын алуға бағытталған қажетті заттарға жұмсалады. Сонымен қатар, әлеуметтік аз қамтылған отбасыларға бетперде мен антисептиктер сондай-ақ азық-түлік те таратылатын болады.