үшінші мегаполисте 200 орынды жедел инфекциялық госпиталь салу жоспарлануда. Бұл туралы бүгін қалалық денсаулық сақтау басқармасы басшысының орынбасары Айгүл Бекбауова мәлімдеді.
Қазіргі таңда Шымкент қаласына кіретін жолдарға 18 блок-бекет қойылған. Онда 18 жедел медициналық жәрдем бригадасы, бастапқы медициналық санитарлық көмек ұйымдарынан 45 орта медициналық қызметкер (фельдшерлер, медбикелер) үш кезекте жұмыс істеуде. Блок-бекеттердегі медициналық пункттер 52 байланыссыз термометрмен, обаға қарсы 71 костюм жиынтығымен жабдықталған.
Шымкент қаласы бойынша қажет төсек-орындар, госпитальдар толық дайын. Нақтырақ айтқанда, қалада барлығы 680 төсек-орынға арналған провизорлық стационарлар бар. Олар: қалалық жұқпалы аурулар ауруханасы – 180 төсек, «Мейірім» оңалту орталығы - 120 төсек, «Атамекен» медициналық орталығы - 380 төсек.
1456 төсек орынға арналған карантиндік стационарлар қарастырылған. Сондай-ақ, бүгінгі күні 200 төсек-орынды жедел салынатын инфекциялық госпиталь салу мәселесі қарастырылуда.
Айта кетейік, шымшаһарда жалпы 484 адам карантинге алынған. Олардың ішінде 218 адам медициналық мекемелерде стоционарлық карантинде болса, 266 адам үй карантинінде отыр. Тиісті мамандар олардың карантин режимін қатаң сақтауын қадағалауға алған.