Шымкент қаласында 3 сәуір күні коронавирус жұқтырған 1 жағдай тіркелген еді. Осыған орай, Шымкенттегі 8-шағынауданда (№53 көпқабатты үй) оқшауланды. Қазіргі таңда бұл оқшауланған аумақтарда медицина мамандары тәулік бойы қызмет етуде.
Айта кетейік, вирусты жұқтырған 24 жасар азаматша 8-шағынауданда тұратын ата-анасына Нұр-Сұлтан қаласынан келген. Науқас ауруханаға жатқызылып, қарым-қатынаста болған азаматтар карантинге алынды.
Бүгінде Шымкент қаласындағы оқшауланған 8-шағынауданда №13 емхана қызметкерлері күн сайын кезекпен тұрғындардың ыстығын тексеріп, бақылауға алып отыр. Мұндағы санитарлық бекетте емхана мамандары медициналық көмекті қажет ететін жергілікті тұрғындарға барынша денсаулықтарына жауапты болып отыр.
Сондай-ақ 4-сәуір күні Желтоқсан 3А мекен жайындағы көп қабатты үйлердің бірінде тұратын бір азаматтан коронавирус індеті анықталған болатын. Науқас бірден ауруханаға жатқызылып,қажетті емін алуда. Індет ошағы анықталған көпқабатты үй маңында да емхана қызметкерлері тәулік бойы қызметте жүр. Бүгінде қалада жалпы коронавируспен 14 адам тіркелді.
Осы орайда, №13 емхана дәрігерлері аурудан сақтанудың ең тиімді жолы үйде отыру қажеттігін айтады. Сондықтан мамандар сіздің және айналаңыздағы туысқандарыңыздың саулығы үшін үйде қалуларыңыңызды сұрайды.