Қазіргі кезде төтенше жағдайдың әсерінен ел арасында жалған мәліметтер мен ақпараттар көбейіп кетті. Осы түсінбеушіліктің алдын-алу мақсатында Шымкенттегі «Call орталық» жұмысын бастаған болатын. Коронавирус инфекциясына байланысты ел аумағында жарияланған төтенше жағдайға орай, Шымкент қаласы тұрғындарын мазалаған мәселелелер бойынша туындаған сауалдарға шұғыл әрі тұщымды жауап беруге тырысады.
Орталық мамандары 22 наурыз бен 9 сәуір аралығында қоңырау шалған 8 707 азаматқа жауап берсе, 9-19 сәуір аралығындағы 10 күнде тұрғындар қойған 13 253 сауалды тыңдап, нақты жауап берді. Арнайы мамандар қазіргі кезде халықтың жалған ақпараттарға сенбей, нақты әрі дұрыс мәлімет алуын басты назарға алып, қадағалап отыр.
Өз кезегінде орталықтың 39-50-55 нөміріне жалғанған көпканалды телефон тұтқасында отыратын сала мамандары әрбір азаматтың айтқан сауалына байланысты кәсіби көмек көрсетуде.
2020 жылғы 9-19 сәуір аралығында Шымкент қаласындағы «Сall орталыққа» түскен сауалдар:
• Кәсіпкерлік және қала ішіндегі қозғалыс туралы – 6 536;
• Коммуналдық мәселелер бойынша – 2 351;
• Әлеуметтік көмек жайлы – 2 310;
• Блок-бекеттер туралы – 1 173;
• Жолдардың жабылуы мен тасымалдау бойынша – 719;
• Денсаулық сақтауға қатысты – 119;
• Дезинфекциялау, қашықтан оқыту және т.б. мәселелер жайлы – 45.