Шымкенттік тұрғындар карантиндік өмірін тиімді пайдалануда. Елімізде енгізілген төтенше жағдайға байланысты жастар арасында оқу мәдениетін арттыру мақсатында ұйымдастырылған байқауға 600-ге жуық оқырман белсенділік танытып отыр. Карантин кезеңінде бос уақыттарын тиімді өткізіп жатқан қатысушылардың дені - студенттер мен оқушылар. Төтенше жағдайға байланысты кітапханалардың жабық болуына қарамастан қатысушылар, оқулықтардың электронды нұсқаларын тауып, қызығушылық танытып отыр.
Оқырмандардың басым бөлігінің таңдауы әдеби кітаптарға түскен. Атап айтар болсақ, көпшілік студенттер «Махабат қызық мол жылдар» кітабынан бастап, ұлы Абай Құнанбайұлының 175 жылдық мерейтойын ескеріп, Мұхтар Әуезовтың «Абай жолы» романын оқып жатыр екен.
Қазіргі таңда жастардың көпшілігі шетел әдебиетіне қызығады. Себебі, өзге елдің әдебиетінде оқиға желісі көп әрі оны созбауды жөн көреді. Осыдан конкурсқа қатысушылардың арасында шетелдік және ағылшын,орыс тіліндегі кітаптарды оқып жатқандар да бар.
Айта кетейік, бас жүлде иегеріне Phone Pro 11 ұялы телефоны сыйға берілсе, белсенді қатысушыларды өзге де тосын сыйлар күтуде. Жеңімпаздар 30 сәуір күні тікелей эфирде сағат 17:00-де анықталмақ. Карантинде жатып жеңімпаз атанамын деушілер толық ақпаратты @resurstyq_ortalyq парақшасынан біле алады.