Төтенше жағдай режимі енгізілгеннен бастап Шымкент қаласында залалсыздандыру жұмыстары қарқынды жүргізілуде.
Дезинфекциялық шаралар күн сайын 20 бағыт бойынша жүзеге асырылуда. Тәулігіне қаладағы 13,8 млн шаршы метр аумақ залалсыздандырылуда.
Жолдарды залалсыздандыру жұмыстары арнайы көліктердің көмегімен іске асса, аяқжолдар, аялдамалар мен сауда орындарының маңайы арнайы техника көмегімен қолмен тазартылуда.
Бұл бойынша коммуналды сала қызметінің жұмысшыларына 200 әскери мен 100 ерікті көмектесіп отыр. Сондай-ақ, қала орталығынан алыс орналасқан шағынаудандар мен тұрғын алаптардағы орамішілік көшелерді залалсыздандыру бойынша да жұмыстар күшейтілді.
Күн сайын 20 сервистік компанияның 600-ден астам қызметкері контейнерлердi, аула алаңдары мен кіреберістерді дезинфекциялауда.
Залалсыздандыру шараларына қатысты сұрақтар бойынша, қала тұрғындары аудан әкімдіктерінің төмендегі байланыс нөмірлеріне хабарласуы керек.
Абай ауданы: 53-03-20
Әл-Фараби ауданы: 54-96-54
Еңбекші ауданы: 8778-310-58-61, 8701-701-30-33
Қаратау ауданы: 77-45-63
Айта кетейік, қала аумағы толықтай залалсыздандырылуда. Оған қосымша күш ретінде мемлекет басшысының жарлығымен жасақталған 100 әскери міндетті сарбаз тартылған. Шымкентте медициналық қорғаныс құралдарының мәселесі шешілген. Елімізде төтенше жағдай жариялағана сәттен бастап , бірінші кезекте миллионды қала аумағында 18 санитарлық бұғаттау бекеті қойылған.