Теріскейде өнім мол

Screenshot_16.jpg  

Созақ ауданында өнеркәсіп саласы бойынша өркендеу байқалады. Мамандардың дерегінше Теріскейде 2018 жылдың қорытындысымен 245 млрд. 184 млн. теңгенің жалпы өңірлік өнімі өндіріліпті. Оның ішінде, өнеркәсіп саласы бойынша – 216 млрд. 710 млн. теңге, ауылшаруашылық саласының үлесі – 12 млрд. 513 млн. теңгені құраған. Инвесторлар тартуды оң жолға қойған кәсіпкерлер  аудан экономикасына 40 млрд. 880 млн. теңге инвестиция тартыпты.  Оның ішінде, жергілікті бюджеттен – 1 млрд. 843 млн. теңге, кәсіпорындардың, ұйымдардың және халықтың өз қаржысы есебінен – 38 млрд. 280 млн. теңге қарыз қаражаты көлемі – 127 млн. теңге инвестиция тартылған.  Еске сала кетсек, мұнда жалпы алаңы 50 га жер телімін құрайтын индустриалды аймақ құрылған. Бүгінгі күнге дейін жалпы құны 1 млрд. 197 млн. теңге құрайтын 5 жоба іске қосылып, жұмыс жүргізуде.

Құрғақ климатына қарамастан  аудан бойынша 13 120 га алқапқа егіс егіліп, оның ішінде 5 505 га суармалы жер игерілгенін де айта кетейік. Сондай-ақ, 1 га алқапқа жылыжай салынып, аудан көлемінде «Жасыл желек» бағдарламасы негізінде 111 га декоративті бауға тамшылатып суару әдісі ендірілді.

Жалпы алғанда  аймақта  кәсіпкерлік саласында 2018 жылы 12 млрд. 991 млн. теңгенін өнімі өндіріліп, өткен 2017 жылмен салыстырғанда 3,9 пайызға өскені қуантардық жәйт.

 Салаға жауаптылар аймақта ағымдағы жылы жалпы құны 365 млн АҚШ долларын құрайтын 4 жоба қолға алынады дейді.  Атап айтқанда, жобалық құны 50 млн. АҚШ доллар құрайтын «ЮКСЭС-50» ЖШС-нің күн электр стансасын салу жобасы құны  15 млн. АҚШ доллар құрайтын «Стандарт Угле Хим» ЖШС-нің Таскөмірсай кенінің көмірін қайта өңдеу жобасы  құны  200 млн. АҚШ доллар құрайтын «Созақ фосфат» ЖШС-нің фосфор өңдеу зауытының жобасы жобалық құны  100 млн. АҚШ доллар құрайтын «Созақ Каус» ЖШС-нің өткір сода (каустическая сода) шығару жобасын іске асыру жоспарлануда.


Мүмкін сізді қызықтыратын тақырыптар:

  • Ұлттық банк базалық мөлшерлемені 14,75%-ға дейін төмендетті
  • Әйтенов депутаттарға қалаға тартылған инвестиция жөнінде баяндады
  • Қала әкімі мәслихат депутаттарының алдында есеп берді
  • Шымкент пен Адана қалалары арасында экономикалық және туристік келісімге қол қойылды
  • Қандастарға қаланың көрікті жерлері паш етілді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер