Шымкент қаласына келген қонақтар үшін «Shymkent Tourism Center» туристік ақпараттық орталығы жақсы мүмкіндік сыйлайды. Еш ақысыз мамандар қаланы толығымен аралауға, танысып қайтуға мүмкіндік береді.
«Жылы шырай, мейірімді көзқарас, жайлы атмосфера, қолайлы қызмет. Мұның барлығын «Shymkent Tourism Center» туристік ақпараттық орталығы ұсынады. Бір сәт тынығып, ұмытылмас естеліктерге ие болғың келсе - Шымкент сіздерді күтеді! Шаһардың жайлы болмысын сезіну бақытын сізге де ұсынып, өзге өңірден ерекшеленетін сиқырлы қаламызға қонаққа шақырамыз. Біз сіздерге 2000 жыл оты өшпеген қаланы көрсетуге әзірміз! Шымкенттің келбетіне баланған туристік ақпараттық орталық сіздер үшін қызмет көрсетеді», - деп хабарлайды туристік орталық.
Қаламызда 7 ақпараттық киоск қала қонақтары мен тұрғындарына жан-жақты ақпарат беруге дайын. Қала қонақтары гидтің көмегімен қаланың көрікті жерлерін аралап, сұлулығына тамсануына мүмкіндік туады. Туристер қала тарихын сезініп, оны жақынырақ біле алады. Инфо-тур қонақтарымыздың талғамына сай келуде.
Туристік ақпараттық орталық сізге ұмытылмас сапар ұйымдастыруға көмегін тигізеді.