ТМД елдерінің мәдени астанасы Шымкентте мәдениет пен руханиятқа айрықша көңіл бөлінуде. Былтыр ақын-жазушылардың өлеңдері қала көшелеріне ілініп, талантты жас ақындардың антологиясы жарық көрген еді. Биылғы жыл тағы да ақжолтай жаңалықпен басталды. Қалада шаһар басшысының бастамасымен «Мәртебелі поэзия мінбері» атты әдеби алаң ашылған болатын. Еліміздің ақын-жазушылары әр бейсенбі сайын поэзия мінберінде парасатты жырларын оқуда. Аптасына өтетін рухани жиында Ұлы Абайдың өлеңдері мен қара сөздері де қамтылады. Жыр кешінің алғашқы қонағы көрнекті ақын, ҚР Мемлекеттік сыйлығының иегері, Қазақстанның еңбек сіңірген қайраткері Ұлықбек Есдәулет болғани еді.
Екі айға жуық көлемінде әр бейсенбі сайын тұрақты түрде «Мәртебелі поэзия мінбері» поэзиялық бағдарламасының осы бейсенбідегі кеші ҚР Журналистер одағының мүшесі, ҚР білім беру ісінің және Мәдениет саласының үздігі ақын, жазушы, сазгер, Арыс ауданының Құрметті азаматы Темірхан Әбдіковтың шығармашылығына арналды.
Шымкент қаласы мәдениет, тілдерді дамыту және архивтер басқармасы басшысы Мыңбаев Рашид Темірхан Әбдіковты қазақ әдебиетінің алтын қорына қосқан үлесі үшін құрмет грамотасымен марапаттап, абырой мен мәртебеңіз әрдайым биік, мемлекетімізге қосар үлкен үлесті еңбектеріңіз бен әрбір бастамаларыңыз еліміздің игілі мен болашағы үшін жемісті болсын!- деп ізгі тілегін білдірді.