Мақта егудің тың тәсілдері талқыланды

Screenshot_1.jpg

Климаты жылы  Оңтүстік өңірі мақта шаруашылығына өте қолайлы аймақ. Бүгінде жерлігілкті диқандар ақ алтынды өндірудің жаңа технологиясын меңгеру үстінде. Озық технологияны жетілдіру мақсатында жақында Арыс қаласында шаруалардың басы жиналып, семинар-кеңес өткізді. Байырқұм ауыл округіндегі «SPK-1» өндірістік кооперативінің егістік алқабында өткен кездесуге облыстық ауыл шаруашылығы басқармасының қызметкерлері, ғылыми-зерттеу институтының мамандары, аудан, қала әкімдерінің орынбасарлары, аудандық ауыл шаруашылығы бөлімінің басшылары, ауыл округ әкімдері мен тауар өндірушілер қатысты.  Жиында мақта дақылын егудің инновациялық тиімді әдістері туралы, сондай-ақ мақта дақылына мемлекет тарапынан берілетін қолдаулар аясында баяндамалар жасалды.

    «SPK-1» ауыл шаруашылығы өндірістік кооперативі 2019 жылы құрылған. Онда алдыңғы қатарлы озық технологияларды қолдана отырып, 200 гектар жерге мақта дақылы егілген. Кооператив гектарынан 60-80 центнерден өнім алу жоспарлауда. Облыс бойынша орташа өнімділік 24-25 центнерден болса, аталған шаруашылық 3-еседен артық өнім көп алуды көздеуде. Шаруашылықта алдағы уақытта жалпы 5 мың гектарға мақта дақылын егіліп, 500 адамды жұмыспен қамтылмақ. Жоба құны – 5млрд.теңге.   

 Аталған шаруашылықта 1-дана ЛС-2284 жер айдайтын трактор, 2-дана Джондир трактор, 2-дана тұқым сепкіш, 2-дана тыңайтқыш шашатын, 1-дана айналмалы соқа, 1-дана жер тегістегіш техникаларымен қамтамасыз етілген.  Шаруашылықтағы тұқым сепкіш бір мезетте 6-қызмет атқарады. Атапайтқанда,  егілетін мақтаның жүйек аралық қатардағы ірі кесектерін шығарады, тамшылатып суғаратын шлангасын тастау, пленкасын жабу, пленканы желден қорғау үшін екі шетін және ортасына топырақ бастырады, дәлме-дәл тұқым тастау қызметтерін атқарады.

 Шаруашылықта мақта алқаптарын сумен қамтамасыз ету үшін 4-дана тік ұңғыма қазылып іске қосылған. Мақта алқаптарын суару үшін 100 пайыз тамшылатып суғару әдісі ендіріліп, толық автоматтандырылып отыр. 


®RG media - ақпараттық агенттігі
Бөлісу тақырыбы: Мақта егудің тың тәсілдері талқыланды