Біріккен шаруалардың ісі өнімді

Screenshot_11.jpg      

Созақтық бағбандар биыл да жемісті еңбек көрсетуде. Өткен жылы қауын-қарбыз егіп, экспортқа шығарған диқандар, бұл істі биыл да қолға алып отыр. Бағбандар әрбірі 15 келіден асатын қарбызды егіс алқабынан жинап алуда. 

Диқандар биыл жалпы 107 гектар аумаққа бақша өнімдерін отырғызыпты. Оның 40 гектарына қауын егілсе, 66 гектардан астам жерге қарбыз көшеті отырғызылған. Аудандағы 3 шаруа қожалығы бірігіп, биыл 600 тоннадан астам өнімді экспортқа шығармақ. Ал өткен жылы бір ғана серіктестік 10 гектар жерінен 250 тонна өнім алған. Сол өнімінен азғантай көлемде шетелге жіберген.  «Ендігі 2020 жылға тағы 3 шаруа қожалық қосылатын болады.  Бүгінде диқандар қарбызды экспортқа шығарып, жақсы табысқа ие болды. Негізінен, бақша өнімдерінің көбі Ресейге барады. Жергілікті тұрғындардан да сұраныс көп. Соның ішінде  Қазақстанның ішіне және  солтүстік өңірлерге жіберілуде», - дейді Созақ ауыл округінің әкімі Батырхан Аяпов. 

      Созақ ауданы табиғаты ерекше өңірлердің бірі. Қысы қатал болатындығына қарамастан тұрғындар мал шаруашылығымен айналысады. Түйе бағып, оның сүтін өндіреді. Бау-бақша өсіріп, одан мол өнім алуды да созақтықтар басты кәсіп етіп алған.


®RG media - ақпараттық агенттігі
Бөлісу тақырыбы: Біріккен шаруалардың ісі өнімді