Бюджет қаржысының 62 миллиард теңгесі игерілмей қалды. Оның 10 миллиарды үнемделген қаржы. Бұл туралы Үкімет отырысында Премьер-Министрдің орынбасары – Қаржы министрі Әлихан Смайылов айтты деп хабарлайды RGMEDIA.KZ аұпарат агенттігі.
Бюджет қаражатын игере алмай жатқандардың көшін Ұлттық экономика министрлігі (15,6 млрд теңге) мен Ұлттық қауіпсіздік комитеті (8,3 млрд теңге) бастап тұр. Смаиыловтың сөзіне сүйенсек, жергілікті бюджеттердің өз кірістері 174 млрд теңгеге артығымен орындалып, 559 млрд теңгені құрады. Қалғаны Білім және ғылым (4,7 млрд теңге), Әділет (4,6 млрд теңге), Мәдениет және спорт (4,2 млрд теңге), Ішкі істер (3,3 млрд теңге) министрліктеріне тиесілі. Дегенмен, барлық өңірде кірістердің жоспары артығымен орындалыпты. Мемлекеттік бюджет шығыстары 96,5 пайызға, республикалық 97,1 пайызға, жергілікті бюджеттер 96,9 пайызға атқарылған.
– Республикалық бюджет шығыстары 2 трлн 102 млрд теңгені құрады. Бюджет қаражаты 62 млрд теңгеге атқарылмады. Оның 10 млрд теңгесі – үнемделген қаржы. Ал игерілмеген сома – 52 млрд теңге. Бұл өткен жылдың ұқсас кезеңімен салыстырғанда 23 млрд.теңгеге төмен, – деді ол.