Түркістан «тазарып» қалды

Screenshot_3.jpg

Жаңа атауға ие болған облыстың аумағы да жаңа әрі таза болуы керек. Осы мақсатта Түркістан облысында  #Birge #TazaQazaqstan экологиялық акциясы аясында  Жалпыхалықтық сенбілік өтті. Аталған шараның салтанатты ашылуына  облыс әкімінің орынбасары Мейіржан Мырзағалиев қатысып, акция қатысушыларына алғысын білдірді. Содан кейін облыс әкімінің орынбасары көпшілікпен бірге "Арыс-Түркістан" су арнасының бойын қоқыстан тазартуға атсалысты.

Жалпы елдімекендер аумағын қоқыс қалдықтарынан тазарту, экологиялық аймақтардың тазалығын сақтау, су айдындарының арналарын ашу, көше бойларын және арық-атыздарды қалпына келтіру мақсатында ұйымдастырылған шараға облыстың 16 аудан-қаласынан 51635 адам қатысты. Сенбілікке арнайы 397 техника жұмылдырылды. Аталмыш шарада жергілікті аудан, қала әкімдіктерінің қызметкерлері, басқарма мамандары, индустриалды аймақтарда орналасқан кәсіпорын қызметкерлері, әлеуметтік нысандар, еріктілер, қоғамдық ұйымдар, мен БАҚ өкілдері, жергілікті тұрғындар белсенділік танытып, туған жер табиғатының түрленуіне үлестерін қосты.

Акция барысында облыс аумағындағы барлық өзен, көл арналары ретке келтіріліп, елді-мекендердегі көше бойлары қоқыстардан тазартылды. Сенбілік нәтижесінде жалпы көлемі 1504,6 тоннадан астам қоқыс жиналып, арнайы орындарға тасымалданды. Адам денсаулығының айнымас бір бөлігіне айналған табиғат тазалығын қалыптастыруға бағытталған аталмыш шара алдағы уақытта да өз жалғасын табатын болады

 


Мүмкін сізді қызықтыратын тақырыптар:

  • Ұлттық банк базалық мөлшерлемені 14,75%-ға дейін төмендетті
  • Әйтенов депутаттарға қалаға тартылған инвестиция жөнінде баяндады
  • Қала әкімі мәслихат депутаттарының алдында есеп берді
  • Шымкент пен Адана қалалары арасында экономикалық және туристік келісімге қол қойылды
  • Қандастарға қаланың көрікті жерлері паш етілді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер